Aktori i njohur Zac Efron u kthye pas në kohë në një nga përvojat e tij të para përballë aparatit fotografik. Ylli i Hollivudit foli për skenën e tij të parë të puthjes kur ai po luante në një serial televiziv të titulluar “Summerland”.

Aktori 36-vjeçar tregoi se ishte shumë “i ri” kur realizoi skenën në vitin 2004. Gjatë intervistës së tij të fundit me Elle, Zac-ut iu bashkua edhe aktorja Joey King, ndërsa promovonte filmin e tyre të fundit në Netflix “A Family Affair”.

“Isha vërtet i ri,” i shpjegoi ai. “Ishte skena ime e parë e puthjes. Ishte në një shfaqje të quajtur Summerland dhe unë nuk e dija se ngrënia e peshkut përpara skenës nuk ishte ndoshta një ide e mirë,” tha Zac, duke zbuluar se aktorja që i duhet të puthte në atë kohë e kuptoi shpejt.

“Dhe unë e putha vajzën dhe ajo më tha: “A ke ngrënë peshk për drekë?” Dhe të gjithë qeshën” shtoi ai. “Po, unë u frikësova për jetën.”

Aktorja Kay ka folur më parë për përvojën e saj në xhirime me Zac, duke treguar se ishte “e çuditshme” sepse ajo ishte 13 në atë kohë, ndërsa aktori ishte 16.

“Dhe kështu ishte puthja e një djali më të madh, dhe ishte puthja ime e parë ndonjëherë,” tha ajo në një intervistë për Festivalin e Adoleshencës në LA.