“Wednesday” do të rikthehet në Netflix për një sezon të dytë.

Në këtë sezon, Jenna Ortega përveçse si aktore do të marrë pjesë edhe si producente. Ajo zbuloi se këtë sezon nuk do fokusohet tek historia e dashurisë, por tek horrori.

“Ne lëmë pas çdo romancë dhe bëhemi më të errët, më të guximshëm,”-tregoi ajo.

Megjithëse nuk dimë shumë për skenarin, pritet që një pjesë të madhe të historisë ta ‘marrë’ edhe Catherine Zeta-Jones dhe Emma Myers por edhe anëtarët e tjerë të familjes “Addams”.

Tani xhirimet kanë nisur dhe titulli i episodit të parë të serialit do të jetë “Here We Wee Again”, por për momentin nuk ka ende një datë për premierën.