Selena Gomez e ka deklaruar hapur dashurinë për të dashurin e saj Benny Blanco në rrjetet sociale. Dyshja kanë folur shpesh për marrëdhënien e tyre dhe thuhet se tani kanë plane për t’u martuar.

Në një intervistë të fundit me Howard Stern, kompozitori i vlerësuar me çmime, producent diskografik dhe i njohur më së shumti si i dashuri i Selena Gomez, Benny Blanco, ka folur për lidhjen e tij. Në fillim të këtij muaji, ishin të shumta lajmet se dyshja, të cilët ishin në lidhje për gati një vit, po shkojnë drejt altarit.

Ndërsa as Blanco dhe as Selena Gomez nuk i kanë konfirmuar raportet, fansat pyesin veten nëse dasma e tyre është në horizont. Gjatë një interviste me Howard Stern, Benny Blanco zbuloi se martesa është në planet e çiftit.

Një burim për “Us Weekly” tha se Selena mendon se Benny është i duhuri, pasi ai e bën të ndihet e sigurt dhe e lumtur. “Ata të dy mendojnë se kanë gjetur personin me të cilin secili do të jetë përgjithmonë”. Burimi shtoi se të dy ata e kanë diskutuar martesën dhe nisjen e një familjeje.

“Ata kanë folur për martesën, për të pasur fëmijë dhe janë në të njëjtën mendje”, u shpreh ai, ndërsa zbuloi se Selena, e cila jeton në Kaliforni, po mendon të zhvendoset në New York, pranë producentit.