Vec lajmit shokues, një detaj ra menjëherë në sy të publikut kur Kate Middleton përmes një videoje shpërndau lajmin se vuan nga sëmundja e kancerit. Admiruesve të familjes mbretërore u bëri përshtypje fakti që bashkëshorti, princit William, nuk u bashkua në video-mesazhin e princeshës.

Edhe pse e përshkroi Princin William si një “burim të madh ngushëllimi” mes betejave të vazhdueshme shëndetësore, Kate Middleton i njoftoi botës diagnozën e saj të kancerit pa burrin e saj në krah. Sipas një “burimi nga pallati” që foli së fundmi me People, kjo ishte një zgjedhje e qëllimshme e bërë nga Princesha e Uellsit.

Sipas burimit, gjithçka ishte e qëllimshme, pasi Kate jo vetëm e shkroi vetë mesazhin e ndjerë, por donte ta ndante personalisht me miliona njerëz në mbarë botën. “Ai ishte një mesazh që kishte lidhje pikërisht me shëndetin e saj dhe për këtë arsye donte që ta ndante vetë mesazhin tek njerëzit,” tha një burim i brendshëm i pallatit për “People”.