Detaje të reja vazhdojnë të dalin për ndarjen e Shakirës dhe Gerard Pique, edhe pse ka kaluar një vit. Tani është zbuluar se ata kanë mbajtur një festë të madhe familjare pak para se të shpallnin ndarjen e tyre.

Sipas Hola!, më 28 maj 2022 ata të dy morën pjesë në kungimin e Milanit, ceremoni e cila u zhvillua në Barcelonë. Megjithatë, babai i saj pësoi një rënie të rëndë dhe duhej të trajtohej në rrugë përpara se të dërgohej në një ICU në kryeqytetin katalanas.

Duke folur për People, Shakira zbuloi se kjo situatë i shkaktoi asaj një sulm ankthi. “Ai erdhi në Barcelonë për të më ngushëlluar kur u zhyta në trishtim për ndarjen time dhe, ndërkohë që në kungimin e parë të Milanit, ai pësoi një problem serioz”, kujton këngëtarja. “Ai më qëndroi pranë, në një kohë kur jeta ime po shkatërrohej”.

Në mes të paqartësisë së asaj që kishte ndodhur me të atin, Shakira zbuloi se ishte tradhtuar nga Gerard Pique. “Kam marrë vesh nga shtypi se isha tradhtuar ndërsa babai im ishte në ICU”, shpjegoi ajo. “Mendova se nuk do t’i mbijetoja asaj”.