Shakira tani ka arritur statusin legjendar pasi fondacioni i saj ‘Pies Descalzos’ ka ndihmuar shumë njerëz përmes punës së saj filantropike, prandaj kryebashkiaku Jaime Pumarejo njoftoi se një statujë e këngëtares Shakira së shpejti do të vendoset në një vend strategjik në qytetin ku ajo lindi.

Sipas kryebashkiakut, qytetarët do të zgjedhin, me votim, hapësirën ku do të vendoset ky monument. “Pyetja që ne u bëjmë njerëzve të Barranquilla është se ku duan ta shohin këtë statujë, ku do të donin ta vendosnim, dhe kështu të merrnim pjesë dhe t’i dërgojmë shumë dashuri artistes që ka ngritur emrin e qytetit tonë në mbarë botën”, tha ai.

Guvernatori i qarkut tregoi se puna është në proces dhe në krye të saj është artisti plastik Yino Márquez. “Ne do t’i bëjmë homazhe Shakirës. Pas disa muajsh do të zbulojmë një statujë të saj në mënyrë që njerëzit e Barranquilla të ndihen krenarë për këtë referencë kulturore, por edhe që vizitorët të vijnë për të bërë një ‘pelegrinazh’, të bëjnë një foto, të qëndrojnë në hotel dhe të shohin qytetin tonë të bukur”, tha ai.

Në këtë drejtim, vetë artisti i plastikës Yino Marquez konfirmoi se skulptura e këngëtares Shakira do të jetë 20 metra e gjatë dhe do të jetë prej bronzi. “Procesi aktualisht është në fazën përgatitore”, shpjegoi ai.

Është e rëndësishme të theksohet se në 2006, një statujë për nder të këngëtares nga Barranquilla u ngrit në parkun ngjitur me stadiumin Metropolitano, në jug të qytetit.