Pas lajmeve të shumta për ndarjen e tyre, JLo dhe Ben Affleck janë parë së bashku në publik. Ata janë fotografuar në rrugë bashkë pas më shumë se një muaji.

Lopez dhe Affleck u fotografuan në Los Angeles së bashku të enjten , më 16 maj, teksa morën pjesë në një event për të mbështetur fëmijët e aktorit. Jennifer mban një buqetë me lule në dorë ndërsa bisedon me Ben.

Një burim tha se dyshja mbërritën veçmas, por të dy u panë me unazat e martesës teksa largoheshin nga eventi. Fotografitë nga 16 maji tregojnë Affleck duke marrë Lopez me Emme, vajzën e saj, pas ngjarjes.

Lajmet për ndarjen e tyre u përhapën pasi dyshja në disa evente radhazi nuk janë parë bashkë. I fundit ishte Met Gala ku Jenn parakaloi vetëm në tapetin e kuq dhe në after party.