Jetmir Agaj, i shumëpërfolur se pati gisht në daljen e Bardhit nga ‘Big Brother Vip’ thyen më në fund heshtjen në emisionin ‘Canape’ nga Shpend Lipa.

I pyetur për fjalët që janë thënë lart e poshtë për të, ai vendosi t’i përgjigjej njëherë e mirë.

“Për respektin tënd do ta jap këtë përgjigje dhe për gjithë njerëzit që po na dëgjojnë dhe s’kam për t’u përgjigjur më. Marrëdhënia e punës që kam krijuar me Bardhin vazhdon të jetë e mirë përtej opinionit publik. Te jeta private nuk kam interes dhe as te drejtë të përzihem dhe të paragjykoj, jo vetëm të Bardhi, por te shumica artistëve që menaxhoj. Për jetën private nuk ndërhyn as prindi dhe jo më menaxheri. Mua s’ka pse më pengon”.