Mbreti Charles III, pas kurorëzimit, vendosi të bëjë disa ndryshime në Buckingham Palace për shkak të krizës së vazhdueshme të kostos së jetesës. Ndryshimet do të prekin nipërit e tij, Princin George, Princeshën Charlotte dhe Princin Louis.

Është zbuluar se Mbreti Charles III, i cili u kurorëzua së bashku me Mbretëreshën Kamila në Westminster Abbey në fillim të këtij muaji, ka vendosur të ulë temperaturën në pishinën e pallatit.

Sipas The Sunday Times, stafi mbretëror zbuloi se termostati është ulur dhe temperatura e ujit ka rënë.

Gjatë 80 viteve të fundit, pothuajse çdo anëtar i familjes mbretërore ka mësuar të notojë në pishinën e Pallatit Buckingham. Në vitin 2014, u zbulua se Kate Middleton po merrte djalin e atëhershëm një vjeçar Princin George për mësime javore noti në pishinë private.

Princesha Kate u pa përsëri atje në vitin 2015, vetëm disa javë para se të priste Princeshën Charlotte. Besohet gjithashtu se fëmijët më të vegjël të Uilliam dhe Kate, Charlotte dhe Louis, kanë përdorur gjithashtu pishinën në të kaluarën.