Një fondacion është krijuar në emër të aktorit Mathew Perry, i cili u nda nga jeta pak ditë më parë.

Fondacioni ka si qëllim të ndihmojë njerëzit që “luftojnë me sëmundjen e varësisë”. Tashmë po pranohen donacione për të ndihmuar individët nën varësinë e drogës apo alkooli.

Në një deklaratë nga fondacioni i tij thuhet: “Në frymën e përkushtimit të qëndrueshëm të Matthew Perry për të ndihmuar të tjerët që luftojnë me sëmundjen e varësisë, ne nisim një udhëtim për të nderuar trashëgiminë e tij duke themeluar Fondacionin “Matthew Perry”, të udhëhequr nga fjalët dhe përvojat e tij dhe të nxitur nga pasioni i tij për të bërë një ndryshim në sa më shumë jetë të jetë e mundur.”

Organizata sponsorizohet dhe mirëmbahet nga bamirësia publike Fondi Kombëtar Filantropik. Perry, i cili luajti Chandler Bing në “Friends”, ishte i hapur për përpjekjet e tij për t’u rikuperuar nga abuzimi me drogën dhe alkoolin.

Në një intervistë vitin e kaluar, Perry tha se shpresonte të mbahej mend më shumë për përpjekjet e tij për të ndihmuar të tjerët që luftojnë me varësinë.

Të premten aktorit Matthew Perry iu dha lamtumira e fundit në një ceremoni private, vetëm nga familjarë, të afërm dhe miqtë e tij.