Dua Lipa është sërish kryefjala e medias rozë. Pas shkëlqimit në Met Gala, artistja me origjinë nga Kosova ka marrë vëmendjen me bashkëpunimin e saj të ri me shtëpinë e modës Versace.

Ka qenë vetë Donatella Versace që ka ndarë një postim ku ka shpjeguar se së bashku me këngëtaren kanë krijuar një koleksion të modës së lartë.

Versace dhe këngëtarja kanë projektuar një koleksion për femra, që do të zbulohet në Kanë, i quajtur “La Vacanza” dhe pikërisht në kohë për pushimet verore. Koleksioni La Vacanza do të jetë i disponueshëm në dyqan dhe online në Versace.com menjëherë pas shfaqjes.

“Lajmi doli! Jemi të emocionuara t’ju lajmërojmë për koleksionin e Versace, ‘La Vacanza’, të cilin e kemi dizenjuar së bashku! Koleksioni do të shfaqet të martën, më 23 Maj në Kanë, Francë. Mezi presim t’ju tregojmë se çfarë kemi krijuar!”

Dua ka ripostuar foton duke u shprehur se “ka qenë sekreti më i vështirë për t’u ruajtur”.

Koleksioni La Vacanza do të jetë i disponueshëm në dyqan dhe online në Versace.com menjëherë pas shfaqjes.

Sigurisht, Lipa dhe Versace kanë bërë një rrugë të gjatë bashkë. Së fundmi, ajo mori pjesë në shfaqjen e modës Versace të vjeshtës 2023 të mbajtur në Qendrën e Dizajnit Pacific në West Hollywood marsin e kaluar.

Në shtator 2021, këngëtarja hapi dhe mbylli shfaqjen e Versace gjatë Javës së Modës në Milano, e veshur me dy veshje të ndryshme. Shfaqja shfaqi gjithashtu një numër këngësh hit të Lipës, duke përfshirë “Physical”, e cila u luajt të dyja herët kur ajo doli në pistë. Lipa iu bashkua Versace për përshëndetjen e saj në fund, si një nga muzat e stilistes.

Versace u takua për herë të parë me Duan në shfaqjen Versus në Londër në vitin 2017 dhe këngëtarja më pas e ka veshur markën në disa raste kryesore.