![](https://cityradio.al/wp-content/uploads/kiaraa4.webp)
Dashuria mes Kiara Titos dhe Luiz Ejllit lindi dhe do të kurorëzohet me një dasmë të vërtetë në shtëpinë e “Big Brother VIP”. Lajmin e bukur moderatorja e konfirmoi mbrëmjen e kësaj të marte në “Fan Club”, duke u shprehur se në natën finale të “BBV” do të ketë një celebrim.
![](https://i0.wp.com/bordo.al/wp-content/uploads/2023/05/kiara.jpg?resize=696%2C384&ssl=1)
“Do të ndodhë një celebrim në natën finale, jam shumë e emocionuar”. Kiara u tregua e rezervuar për të treguar detaje, ndërkohë që tha se dëshmitare do të ketë tezen e saj, “Do ia lëmë pak magjinë asaj nate. Nuk do t’i themi të gjitha. Dëshmitare do të kem tezen time që është njeriu më i rëndësishëm. E kam motër, e kam familje, e kam gjithçka”.
![](https://i0.wp.com/bordo.al/wp-content/uploads/2023/02/luizi-kiara.png?resize=670%2C379&ssl=1)
E pyetur nëse e ka gjetur fustanin e bardhë për natën e paharrueshme, Kiara tha, “Kam provuar disa fustane. Kam thënë që dua një fustan të gjatë, por kam ndryshuar mendim. Ndoshta do të vij me diçka krejt tjetër”.
![](https://i0.wp.com/bordo.al/wp-content/uploads/2023/05/kiara-1.jpg?resize=696%2C439&ssl=1)
Kiara para disa ditësh ka takuar edhe nënën e Luizit dhe e pyetur për të, ajo tha, “E kam takuar. Është një zonjë shumë fisnike, shumë e mirë, ma hoqi pak mallin e Luizit. Nuk gënjente kur thoshte që jemi i njëjti tip”.
-
“U dashurova 100 %, por…”, Getinjo konfirmon ndarjen nga Vivien!
-
Sabiani përballet për herë të parë me Robertin, çfarë i thanë njëri-tjetrit?