Lidhja mes Neymar Jr, 32 vjeç dhe Bruna Biancardi, 29 vjeç, ka marrë fund. Lajmi për përfundimin e romancës vjen nga gazetari Thiago Sodré, nga ‘Correio Braziliense’. Sipas tij, mes të dyve tashmë ka vetëm një marrëdhënie të përzemërt për të rritur vajzën e tyre Mavie, e cila erdhi në jetë më 6 tetor.
Arsyeja e ndarjes thuhet se janë polemikat që ylli i futbollit dhe influencuesja patën gjatë gjithë marrëdhënies së tyre, të tilla si tradhtitë dhe festat nga sulmuesi në rezidencën e tij në Mangaratiba, në Costa Verde të Rio de Janeiro.
Ish-çifti po pret momentin e duhur për të bërë njoftimin.
Neymar dhe Bruna Biancardi filluan të takoheshin në prill të vitit 2022, por besohet se ata kishin qenë së bashku për më gjatë. Në gusht të të njëjtit vit, ata i dhanë fund lidhjes së tyre. Në janar 2023, ata u rikthyen sërish bashkë. Në pak kohë, ata njoftuan se do të bëheshin prindër.
-
U gjet i pajetë në xhakuzi, dalin rezultatet e para të testit toksikologjik të Matthew Perry -
Finalmente Elsa! Recitali që rrëqethi mbi 2 mijë pjesëmarrës
