Shumë pyetje janë bërë në lidhje me një ribashkim të mundshëm mes Khloe Kardashian dhe Tristan Thompson pasi Kim dhe vajza e saj North morën pjesë në një ndeshje të Lakers javën e kaluar, duke treguar mbështetjen e tyre për babain e mbesave dhe nipërve të saj.

Marrëdhënia mes Khloe dhe basketbollistit Thompson përfundoi zyrtarisht në dhjetor 2021, pasi u zbulua përmes një padie për atësinë se Thompson kishte tradhtuar dhe kishte lënë një grua tjetër shtatzënë.

E gjithë kjo ndërkohë që të dy kishin vendosur të bënin një fëmijë të dytë së bashku përmes një surrogate.

Khloe së fundmi ka vendosur t’i ndalë spekulimet dhe të dalë vetë e të flasë për atë që po ndodh me babain e fëmijëve të saj.

Gjithçka filloi pasi një llogari në Instagram që publikon thashethemet e të famshmëve, pohoi se të dy ishin sërish bashkë. Khloe më pas dha anën e saj të historisë në komentet e postimit.

“Mjaft e zgjatët këtë histori. Është e lodhshme”, ka shkruar Khloe.

“Unë supozoj se ju do të vazhdoni të tregoni historinë që dëshironi, pavarësisht nga ajo që them unë, kështu që çfarë kuptimi ka. Është rraskapitëse, por mësova se njerëzit do ta kuptojnë vetëm në nivelin e perceptimit të tyre. Shumica janë të mbërthyer në besimin e gënjeshtrave sepse është historia që ata dua të dëgjojnë. Disa gjëra janë po aq të thjeshta sa duken. Një pjesëtar i familjes që mbështet një anëtar tjetër të familjes VEÇANËRISHT gjatë një periudhe të vështirë të jetës.”

Khloe dha shembullin e marrëdhënies që ka me Scott Disick, ish-partneri i Kourtney dhe babai i nipave të saj, me të cilin shkon shumë mirë pavarësisht se tashmë motra e saj ka rindërtuar jetën me Travis Barker.

“Shembull… se si unë e mbështes Scott dhe do ta mbështes përgjithmonë. Ai është vëllai im”, ka shkruar Khloe.

“Disa gjëra janë vërtet ashtu siç janë”, shtoi ajo.