Ylli i muzikës, Dua Lipa ka publikuar datat dhe vendet ku do të promovojë albumin e saj më të ri “Radical Optimism”.

Albumi i i ri i Dua-s do të jetë i disponueshëm për transmetim apo blerje nga data 3 maj. “Radical Optimism” ka tashmë dy këngë solo të publikuar: “Houdini” dhe “Training Season”, të cilat kanë rezultuar shumë të suksesshme.

Përmes një postimi në Instagram, ajo njoftoi për vendet evropiane ku do të nisë turneun për albumin e saj “Radical Optimism”.

“Radical Optimism në rrugë,” shkroi Dua Lipa në X. “Gjermania, Kroacia, Franca e duan, le të shkojmë,” postoi fituesja e GRAMMY në Instagram. Më 5 qershor, Dua Lipa do të mbajë një koncert në Berlin të Gjermanisë, më datën 9 do të jetë në Kroaci pastaj më datën 12 dhe 13, ajo do të mbajë dy koncerte në Francë.