Ndonëse nuk kanë shumë muaj bashkë producenti i njohur muzikor i ka qëllimet e qarta kur bëhet fjalë për romancën me këngëtaren e njohur Selena Gomez. Iftuar në “The Howard Stern Show” producenti muzikor Benny Blanco zbuloi se është gati ta çojë në një nivel tjetër romancën e tij me këngëtaren Selena Gomez.

Gjatë intervistës ai u shpreh se ka dëshirë të krijojë familje me artisten e njohur.

“Do të kesh fëmijë me Selenën? A i ke thënë se dëshiron të kesh fëmijë?”-ishte pyetja, për të cilën Blanco u përgjigj: “Është gjithmonë një temë bisede për mua çdo ditë. Ky është qëllimi im i radhës. Më pëlqen të jem pranë fëmijëve.”

Ai pranoi se të menduarit e një të ardhme me Gomez e përmbush atë si njeri dhe i sjell mjaft gëzim.

Marrëdhënia e tyre, e cila është mbajtur relativisht private u bë publike në dhjetor të vitit 2023. Dyshja janë njohur prej vitesh, pasi kanë bashkëpunuar me J.Balvin në këngën e vitit 2019, “I Can’t Get Enough”.