Sikur të mos mjaftonte vdekja e Mbretëreshës Elizabeth II dhe sundimi i diskutueshëm i mbretit Charles III, tani shtypi britanik po tregon për një ndarje mes Meghan Markle dhe Princit Harry. Ata u larguan për të jetuar së bashku në Shtetet e Bashkuara tre vjet më parë, pasi vendosën të largoheshin nga familja mbretërore, për shkak të mosmarrëveshjeve që kishin me anëtarët e tjerë të familjes, si dhe për shkak të lodhjes duke qenë në qendër të vëmendjes së mediave.

Megjithatë, jetës së ëndrrave që ata dukej se kishin, mund të kenë marrë fund. Thuhet se ata nuk janë më të lumtur bashkë dhe bashkëjetesa nuk po shkon ashtu siç pritej, ndaj dyshohet se kanë vendosur të bëjnë rrugë të ndara.

Thashethemet u ngritën kur ata nuk ngarkuan asnjë foto të përvjetorit të martesës dhe se Harry ka një plan B se ku mund të shkojë për të jetuar në rast ndarjeje nga Meghan.

Tom Bower, një gazetar dhe ekspert i familjes mbretërore britanike, ka theksuar se “Meghan po lodhet nga Harry” dhe se ata kanë filluar të jetojnë të pavarur dhe të ndarë. Përve kësaj, mungesa e Markle në kurorëzimin e vjehrrit të saj, mbretit Charles III, nxiti më tej thashethemet për probleme martesore midis Dukës dhe Dukeshës së Sussex.

Harry dhe Meghan u martuan më 18 maj 2018. Ceremonia, e cila u ndoq dhe u komentua gjerësisht nga e gjithë shoqëria britanike, u zhvillua në Kështjellën Windsor, më konkretisht në Kapelën e Shën Gjergjit, por tani, gjashtë vjet më vonë, thuhet gjithçka të ketë ardhur drejt fundit.