Pasi u kap duke drejtuar makinën i dehur, “Partizani” dënon Alban Hoxhën

Të gjithë u surprizuam nga lajmi i arrestimit të portierit Alban Hoxha. Ai përfundoi pas hekurave sepse po drejtonte makinën në gjendje të dehur. Portieri i Partizanit u mbajt për më shumë se 48 orë në komisariatin nr.1 në Tiranë, më herët gjatë javës.

Tanimë zbulohet se kanë reaguar edhe drejtuesit e klubit të kuq, të cilën nuk i kanë mbyllur sytë përpara kësaj papërgjegjshmërie të portierit. Trajneri Skënder Gega ka vendosur që Hoxha të mos luajë në derbin ndaj Tiranës.

Lajmin e konfirmoi vetë tekniku gjatë konferencës në shtyp, ku nënvizoi se portieri nuk do të luajë në derbi. Ende nuk është bërë e qartë se kur do të kthehet Alban Hoxha, në fushën e futbollit.