Pasi pa filmin “Borat”, Charlize Theron u shtrua pesë ditë në spital

Charlize Theron tregoi se kishte kaluar në spital pesë ditë pasi kishte parë filmin “Borat”, për shkak se kishte qeshur shumë. Aktorja zbuloi pasojat fizike që pësoi gjatë komedisë me protagonist Sacha Baron Cohen, i cili ndërmerr një udhëtim për të kërkuar Pamela Anderson.Situatat surreale në qendër të filmit i përkeqësuan një problem që Charlize Theron kishte prej pak kohësh:“Shkova të shikoja ‘Borat’ dhe më parë kisha lënduar qafën. Në mes të filmit nisa të qeshja aq shumë sa bllokova plotësisht qafën dhe u desh të vinte një ambulancë për të më dërguar në spital, ku qëndrova pesë ditë”.