Pas koncertit madhështor në Tiranë, Capital T nis përgatitjet për albumin e ri

Reperi i njohur Capital T, në muajin shtator mbajti një koncert madhështor të quajtur “Time Capsule” në Tiranë, njëherësh ky ishte edhe projekti më i madh i tij në karrierën muzikore shumëvjeçare.
Pas këtij koncerti të përmasave botërore, Trim Ademi është duke punuar per albumin e ri, për të cilin tashmë ka filluar përgatitjet.Ai njoftimin për fansat e bëri në Instagram duke publikuar një video të tij, nga e cila mori edhe reagime të shumta.“Albumi i ri është rrugës, ne fillim te 2020, hiti pas hiti”, ka shkruar 28-vjeçari krahas videos, që lë të kuptohet se do ketë hite të shumta. Ndonëse nuk ka zbuluar më shumë detaje, reperi shqiptar mesa duket po fokusohet ne pergatitjen e albumit.
Nga ana tjetër, Capital T ka paralajmëruar edhe një tjetër bashkëpunim me reperin Majk, këngë kjo që pritet të prezantohet së shpejti para publikut.Artistët numërojnë duete të shumta, teksa edhe kënga e re e tyre besohet se do të mirëpritet nga fansat e dyshes.