“Oscars 2019”, zbulohet prezantuesi i ri i ceremonisë së ndarjes së çmimeve

attends CinemaCon 2016 as Universal Pictures Invites You to an Exclusive Product Presentation Highlighting its Summer of 2016 and Beyond at The Colosseum at Caesars Palace during CinemaCon, the official convention of the National Association of Theatre Owners, on April 13, 2016 in Las Vegas, Nevada.

Ceremonia e ndarjes së çmimeve “Oscars” është padyshim eventi më i rëndësishëm i vitit në Shtetet e Bashkura dhe çdo vit pritet me shumë emocion.

Regjisorët, aktorët, producentët, skenaristët e projekteve kinematografike më të spikatura do të kandidojnë për çmimet e mbrëmjes ndërkohë që dëshira për të parë yjet në tapetin e kuq është gjithmonë shumë e madhe.

I rëndësishëm në këtë event është gjithashtu edhe drejtuesi i mbrëmjes apo ‘zoti i shtëpisë’, që ka për detyrë jo vetëm të prezantojë por edhe të sigurohet që të gjithë të argëtohen e çdo moment të rrjedhë natyrshëm.

Akademia prej vitesh ka përzgjedhur si moderues aktorët e humorit apo drejtuesit e emisioneve argëtuese si, Ellen DeGeneres apo Jimmy Kimmel. Këtë vit stafetën e kësaj detyre të rëndësishme e merr aktori i humorit Kevin Hart.

39-vjeçari nëpërmjet një postimi në platformat sociale e ka bërë të ditur këtë gjë duke duke rrëfyer se jo vetëm është i nderuar që do të drejtojë “Oscars 2019” por për të kjo është një ëndërr e bërë realitet për të cilën ai ka punuar prej vitesh.