Mahnitën “The Voice of Italy”, motrat tregojnë pse kënduan shqip

Motrat shqiptare Ina dhe Serena u komentuan shumë për performancën e tyre në “The Voice of Italy”. Ato ishin për herë të parë në një intervistë për Klubin e Mëngjesit. Të 4 këngëtarët coach të këtij talent show kanë kërkuar që grupi ‘Sindalls’ të bëhet pjesë e skuadrave të tyre. Por, motrat shqiptare për shkak të afërsisë së stilit të tyre muzikor kanë preferuar skuadrën me trajner këngëtarin rap Gue Pequeno.

Të pyetura sepse zgjodhën pikërisht këngën “Shum pis” të Era Istrefit për të interpretuar thanë se donin një këngë shqip për ta bërë më të njohur muzikën shqiptare në Itali, por edhe për faktin që Era Istrefi është tashmë një yll ndërkombëtar.