Lana Del Rey përballet me Kanye West

Lana Del Rey ka kritikuar Kanye West për mbështetjen e tij ndaj Donald Trump.
Këngëtarja, e cila performoi në dasmën e West dhe Kim Kardashian në vitin 2014, e përshkroi miratimin e reperit për presidentin amerikan si “humbje për kulturën”.
Lana reagoi pasi Kayne u shpreh pro Trump në Saturday Night Live.
“Deluzione të madhështisë, çështje të ekstremizmit me narcisizëm. Asnjëra nga këto nuk do të ishte një pikë diskutimi nëse nuk do të flisnim për njeriun që udhëheq vendin tonë,”-tha këngëtarja. “Nëse mendoni se është mirë që të mbështesi dikë që prek një femër në vendet intime vetëm sepse është i famshëm, atëherë keni nevojë për të ndërhyrje po aq sa ai.”
West performoi tre këngë në Saturday Night Live, disa orë pasi lajmëroi se kishte ndryshuar emrin në Ye.Pas performancës ai mbajti një fjalim të thellë politik.
Nuk u transmetua në shfaqje por fragmente të shkëputura të filmuara nga audienca u publikuan në rrjetet sociale. Reperi mësohet se ka shprehur pa diskutim mbështetjen për presidentin Trump .
“Sa herë që flisja me një njeri të bardhë, më pyesnin se si mund ta pëlqeja Trump kur ai është racist,”-tha reperi. “Epo, nëse do shqetësohesha për racizmin, do të isha larguar nga Amerika shumë kohë më parë.”