Brad Pitt sjell në ekran Marilyn Monroe

Regjisori neozelandez Andrew Dominik po përgatitet për një rikthim të madh, me filmin biografik “Blonde”, me Ana De Armas në rolin e biondes legjendare Marilyn Monroe.

“Collider” shkroi se “Blonde” do të tregojë historinë e aktores Norma Jean Mortenson dhe transformimin e saj në Marilyn Monroe, që ka aktruar në klasikët “Some Like It Hot”, “Gentlemen Prefer Blondes” dhe “The Seven Year Itch”.

Dominik deklaroi se “Blonde” do të jetë filmi më i drejtpërdrejtë me publikun që ka bërë ndonjëherë. Ai ka shkruar skenarin dhe do të jetë producent së bashku me Brad Pitt, i cili ka qenë protagonist në shumë filma të tij.