Ndahen çmimet “Glamour”, ja fituesit

Ai është eventi që mbledh bashkë aktorët më të talentuar e më të nxehtë të momentit: këngëtarë, skenaristë e blogerë të botës së argëtimit, bukurisë e modës.

Ndaj nuk është çudi që tapetin e kuq të çmimeve “Glamour” e mbushën emra të tillë si Susan Sarandon, Rose Byrne, Krysten Ritte, Tanya Burr, e xhelozi për stilin e tyre ngjallën dhe “Little Mix”.

Sarandon, bashkë me veteranen tjetër të Hollivudit, Sigourney Weaver, u nderuan nga revista prestigjioze e modës, njëra me çmimin e hijeshisë, tjetra me atë të frymëzimit.

“Unë frymëzohem nga gratë – tha Sarandon. – Askush nuk është aq i angazhuar sa ato për të bërë disa gjëra njëherësh. Ne thjesht duhet të rreshtim së shqetësuari për të qenë perfekte e të gjejmë kënaqësinë tek ajo që bëjmë”.

Elizabeth Banks, e cila së fundi i shfaqet publikut të gjerë edhe si regjisore, mori në shtëpi çmimin e aktores më të mirë. Ndër fitueset e tjera ishte Jennifer Saunders për kontributin e saj të jashtëzakonshëm, “Little Mix” për aktivitetin muzikor, e Rose Byrne, që u cilësua si aktorja më e mirë në një komedi.

Çmimet “Glamour” nderojnë femrat e konsideruara si më të rëndësishmet e vitit.
1465388604_3507F8C400000578-0-image-a-16_1465346069102 1465388590_3508DB4D00000578-0-image-a-26_1465346141648 1465388579_35083EDF00000578-0-image-a-24_1465346125737 1465388564_3508E5D100000578-0-image-m-23_1465346112172 (1)