Shtëpia 25 milionë dollarëshe e Mayweather

Fitoi mbi 250 milionë dollarë pas triumfit ndaj yllit të UFC, Conor McGregor dhe tashmë Floyd Mayweather i ka bërë një “dhuratë” vetes.

Për shumë persona, një shtëpi në Las Vegas dhe Miami do të ishte një sukses, por Mayweather nuk është si shumica e njerëzve dhe nuk është mjaftuar me kaq.

Pas suksesit të 50-të në po kaq ndeshje në boks, ai ka bërë të tijën një shtëpi luksoze në Beverly Hills.

Shtëpia e re ka një hapësirë të bollshme prej 15 mijë metrash katrorë, 6 dhoma gjumi dhe 10 tualete, madje edhe një ambient të përshtatshëm për kinema.