Krenar për rrënjët shqiptare, Lorik Cana së bashku me të birin në Muzeun e Krujës

Futbollisti i njohur shqiptar Lorik Cana tash e disa vite e ka përmbyllur karrierën e tij në fushën e gjelbër.

Ai ka krijuar familjen e tij, dhe është shumë i lumtur në krahët e bashkëshortes italiane, Monicas, dhe djalit të tij të vogël.

Cana është mjaft aktiv dhe shumë i ndjekur në rrjetet sociale, në të cilat shpesh ndan me ndjekësit imazhe të ndryshme nga jeta e tij.

Së fundmi, ai ka publikuar një fotografi shumë të veçantë me të birin, ku ka treguar se së bashku kanë vizituar Muzeun e Krujës.

Mesa duket dëshira për t’i mësuar të birit për rrënjët shqiptare, ka bërë që ai të marrë rrugën drejt Muzeut të vlerave historike në Shqipëri.

Ndërkohë, i vogli në fotografi duket të jetë tejet i entuziazmuar teksa sheh flamurin e kuq teksa valvitej në ballkon.