Konsumi i çokollatës rrit inteligjencën

Nëse konsumoni të paktën një herë në javë çokollatë, të çfarëdolloji, ju ndihmon të përforconi inteligjencën.
Ky është përfundimi i një studimi të Georgie Chrichton të Universitetit të Australisë së Jugut, të botuar në revistën Appetite.
Çokollatë, në veçanti ajo e zezë, që është më e pasur me antioksidantë nga familja flavonoid, njihet nga shumë studime shkencore për efeket e tij pozitive në shëndet, për shembull kardiovaskular.
Por megjithatë studiuesit kanë dashur të tregojnë efektet afatgjata mbi inteligjencën, të ndikuar nga konsumi i rregullt i kësaj ëmbëlsire. Por deri tani në fakt, studimet analoge ishin fokusuar vetëm tek efektet afatshkurtra, efektet direkt pas konsumit.
Shkencëtarët italianë kanë eksperimentuar konsumin e çokollatës në 968 individë të moshave 23-98 vjeç në harkun e 30 viteve, ‘duke administruar’ periodikisht pyetësorët e ushqimit.
Në veçanti për këtë studim të anketuarve u është kërkuar të tregojnë se sa shpesh e përdorin çokollatën. Më pas ata i janë nënshtruar disa testeve të inteligjencës në fusha të ndryshme, si kujtesë vizive, punë, verbale etj.