Ariana Grande përlot me dedikimin për Mac Miller: “Më fal që nuk munda të të shpëtoj”

Këngëtarja Ariana Grande i ka bërë homazhe ish-të dashurit Mac Miller.

Për herë të parë ajo ka shkruar rreth vdekjes së tij.

Ylli i muzikës pop ka shprehur dhimbjen për ndarjen e tij nga jeta në moshë të re me anë të një postimi në Instagram.

“Të adhurova që ditën kur të pashë, kur isha 19 vjeç dhe do të vazhdoj ta bëj,”-shkruajti Ariana.

Këngëtarja e konsideroi mikun e saj të më të mirë dhe që nuk e meritonte këtë.

Në videon e publikuar Grande shprehet se ndihet keq për shkak se nuk kishte qenë e aftë për të rregulluar apo qetësuar dhimbjen tek ai.

Miller, emri i vërtetë i të cilit është Malcolm McCormick, ishte i hapur për abuzimin me drogën.

Dyshohet se këngëtari vdiq nga mbidoza. Ai u gjeti i vdekur në shtëpinë e tij në Kaliforni. Shkaku zyrtar i vdekjes ende nuk është shpallur.

Në videon e publikuar nga Grande, ata shihen duke qeshur së bashku.

Ata u takuan në vitin 2012 dhe konfirmuan se ishin në një lidhje në vitin 2016.

Grande dhe Miller bashkëpunuan në një numër këngësh së bashku.

Ata u ndanë pak muaj më parë dhe këngëtarja u fejua komedianin Pete Davidson vetëm pak kohë pasi i dha fund lidhjes me Miller.